稻成小館 (已結業)

难得终于冇落雨，放假可以去远少少行街，今日同友人去左屯门市广场shopping，经过呢间稻成小馆川菜餐厅，嗜辣既我地又点可以放过呢个难得既机会餐厅环境好舒服，柔和既灯光特别既室内设计，感觉好有feel依家店里有期间限定既巴蜀烤辣鱼，即刻放底弃左食片皮鸭既念头。另外我地仲嗌左四川酸辣汤，夫妻肺片，小笼包，炝炒高丽菜。上菜时间算快，唔使等好耐就已经有野上枱。夫妻肺片-片片大而薄，麻辣鲜香，质地软嫩，一口接一口停唔到，开胃小菜一流四川酸辣汤-配料份量啱啱好，酸辣适中，实属开胃佳品。小笼包 - 每笼有4件，份量啱啱好，皮算薄身但唔会一夹即散，热辣辣既汤汁，香甜既味道，绝配。炝炒高丽菜-呢个系我最欣赏既菜式，因为越易整既野越难整得好食，但呢个高丽菜绝对够哂获气，而且辣味完全溶入菜入面，一流。烤鱼-我地拣左中辣，烤鱼系黄花鱼，唔算多骨，烤鱼烤得好靓，肉质鲜嫩，唔鞋口仲有个辣都做得好出色，不过烤鱼入面就冇任何既配菜，就有少少失望。但总括黎讲若果再次去屯门行街，稻成小馆必定会再次光顾。