來多碗車仔麵 (路德圍) (已結業)

今日在荃湾区工作，下午茶时间有啲肚饿，行到路得围拣嘢食。成个路得围都系食肆，见呢间车仔面好似新开张，间舖几干净下，一于试试。食车仔面我钟意试辣汁，唔系间间好食。有啲辣都唔辣，有啲就死辣。见店员推介呢度有只叫魔鬼辣，一于试下。以为佢会帮我落，原来要自己落，份量几多随意，呢个安排又几好wor。第一次食，唔好咁贪心，落少少试下先。食前先试下个汤，几鲜甜。再捞埋啲辣酱食。。。好在落少少，个辣好劲，第一啖无咩嘢，但跟住慢慢嚟料。有啲层次，正！面条好爽口，啲𩠌唔错。个鱿鱼入味爽口。仲有个糖心蛋，配车仔面都几work！唔错！其他配料都可以嘅。价钱都算合理，食车仔面我通常唔理几钱，合理同好食就得啦～佢都有好多配料，下次会返去试下其他配料同回味下佢个魔鬼辣汁先。