串王之王 - 正宗成都串串火鍋 (已結業)

同朋友去咗尖沙咀食嘢，我哋两个都系好钟意食辣嘅人，简直系无辣不欢，就去左试串王之王。一入到嚟就觉得啲员工都好友善，又同我地介绍Menu，又比左条围裙俾我哋，仲好细心咁样话埋比我哋知边度攞嘢食边度攞嘢饮边度系厕所，服务态度真系好好，笑容又好。其实依家香港好多餐厅啲员工态度都好差，就算有+1都系冇服务，但系呢间啲侍应就好好啦。嘢食方面选择嘅种类都好多，嘢饮种类都有好多系清热嘅，非常适合我哋呢啲又钟意食辣又惊爆暗疮嘅人，蔬菜嘅种类多好多，实唔怕会便秘。汤底我哋嗌咗鸳鸯，一个麻辣一个药膳，麻辣叫咗中辣，非常野味，药膳都好香脓，另外我地仲叫左两份小食，一个系酥炸猪肉，真材实料，啖啖肉，唔厚粉，佢地仲教话要浸一浸啲汤底先食，会更加香。仲有冰粉，我地简左水蜜桃味，店员好细心系等我哋食完野先送上嚟，时间岩岩好，食完辣野再食啲冰凉既野真心好爽！