祥仔辣辣 (雅蘭中心) (已結業)

餐厅室内装修以新、旧中国风设计，几靓，冷气足够(对于专门食辣嘅餐厅系十分重要😂) 座位亦都舒适👍🏻店员推荐我地登记做The Food Story会员，因为登记完之后就可以用$288优惠价叫辣到喷火精选套餐，我地两个人食份量啱啱好，整体味道都算唔错。套装包括:『前菜』1️⃣惹火山木耳味道比相像中辣，不过十分惹味，山木耳咬落清爽，好开胃。2️⃣川味口水鸡对我黎讲唔辣，麻味多少少会更好，不过鸡肉肉质都嫩口，几好食。.『招牌菜 』水煮牛肉、祥仔招牌酸菜鱼 （二选一）我拣左酸菜鱼，辣度可自选，我拣左小辣，食落唔算辣，食得辣既你可以拣中辣以上🤣鱼肉肉质嫩滑而且去左骨，方便食用👍🏻其他配料例如酸菜、芽菜都唔错。.『特色菜品』1️⃣喷火小笼包小笼包皮够薄，饀都算多，记住趁热食。2️⃣干煸四季豆呢个我10分推荐，四季豆炒得好香口，整体调味咸甜度适中😋3️⃣香芹猪肉水饺钟意食芹菜嘅我觉得芹味可以浓啲。.『甜品』黄金南瓜露南瓜露质地滑身，味道微甜， 正好中和之前食物嘅辣味。入面有两粒亚塔子，口感烟韧，几特别。