紅館 (海堤街)

营业中

休息中

朋友想食辣，我唯有舍命陪君子，衬住早收工，过咗海去鲗鱼涌红馆食四川菜，朋友都好就我，啲𩠌收少辣，其实食吓辣都几过瘾呀，通一通个鼻塞，哈哈！我点咗豉椒炒蚬，如果配蓝妹啤酒会有特价优惠，可惜我哋唔好饮酒！蚬炒得好有镬气，又唔会有沙，好滋味！第二味系四川椒麻鸡半只，见到系Openrice 有人推荐就试吓，好香椒麻的味道，鸡件软滑，不过油份可以少啲仲好！再叫麻辣牛肉萝白汤面，牛肉够嫩份量又多，萝白清甜，叫咗少辣麻辣唔会太劲，但又有麻香味，我唔太食得辣都啱食，唔错！最后叫咗炝炒时菜，蔬菜吸晒啲辣味真系食得辣先好叫，朋友食到辣话几好味，配埋冰冻可乐真系正呀，下次试下第二款菜先。