生記山西刀削麵

营业中

休息中

个个都觉得来到刀削面馆一定要食刀削面，真系大错特错，生记最好食既唔系刀削面，而系辣得过瘾既菜式！今晚几个好友系元朗食饭，突然个个辣瘾起，即刻去左生记食到饱！一行入去就感觉到辣，个种香料搭配辣椒既味道真系食指大动。水煮花螺，辣味十足，每只花螺都充满辣汁，一边食一边流汗，再饮啖冰冻既啤酒，过瘾！水煮鱼片，成锅鲜红色既汤底，配上白色既鱼片，睇到都流哂口水，鱼片嫩滑无骨，又辣又滑，一个字，爽！另一碟干锅猪三宝又系劲推介，猪三宝系猪肠，猪润点同猪腰，内脏同辣椒真系最佳拍挡，炒埋一碟就令到大家欲罢不能，停唔到手咁食。来到元朗想食辣真系要来生记，价钱又唔贵，味道又地道。