影片
更多
2007-05-14
25 浏览
一听到个辣字,唔理辣咩都第一时间报名.地点系时常路过,上到去见墙布满名星签名,但系从来都唔知有此店,真系孤陋寡闻. 坐低都见到官恩娜,果然真系名星食堂.KC报告菜单中只系叫中辣蟹,有点失望,因为点菜时呀姐坚持我地食唔倒大辣就唔好叫㖞,不过KC同佢讲几次都'唔俾'我地叫大辣,咁就无谓勉强啦!! 但其实我都唔可以咁自私,可能其他人都食唔倒咁辣呢!头盘中我最钟意海蜇头,够入味,又爽口. 粉肠都唔错,不过唔够肥美!蒸泥对我个人讲就一般,因为我比较钟意食肉质嫩滑鱼肉. 泥肉嫌太实,虽然几鲜甜,不过唔合我口味.东风螺虽然细,但会嫩身d,唔会咁硬.油盐水煮蚬简直系惊喜,味道同胡椒猪肚汤十分接近. 而且辣度适中,极之美味. 连d蚬都唔记得好唔好食,只系记得个汤好好饮!!!蛏子皇十分鲜甜,蒸得唔会过火. 只系食上面蒜蓉粉丝已经好好味!!!主菜中辣蟹用艇酱炒,好惹味!! 而且蟹肉嫩滑鲜甜,一食难忘. 不过辣度依然未及我要求,我认为大辣系无问题! 再加上席上有专兄同Christy,一定冇问题. KC都顺应我地要求叫呀姐改避风塘蟹做大辣. 辣椒金沙辣度果然好足,我都觉得几辣. 不过辣得系有味,唔会令你冇知觉!
地点系时常路过,上到去见墙布满名星签名,但系从来都唔知有此店,真系孤陋寡闻. 坐低都见到官恩娜,果然真系名星食堂.
KC报告菜单中只系叫中辣蟹,有点失望,因为点菜时呀姐坚持我地食唔倒大辣就唔好叫㖞,不过KC同佢讲几次都'唔俾'我地叫大辣,咁就无谓勉强啦!! 但其实我都唔可以咁自私,可能其他人都食唔倒咁辣呢!
头盘中我最钟意海蜇头,够入味,又爽口. 粉肠都唔错,不过唔够肥美!
蒸泥对我个人讲就一般,因为我比较钟意食肉质嫩滑鱼肉. 泥肉嫌太实,虽然几鲜甜,不过唔合我口味.
东风螺虽然细,但会嫩身d,唔会咁硬.
油盐水煮蚬简直系惊喜,味道同胡椒猪肚汤十分接近. 而且辣度适中,极之美味. 连d蚬都唔记得好唔好食,只系记得个汤好好饮!!!
蛏子皇十分鲜甜,蒸得唔会过火. 只系食上面蒜蓉粉丝已经好好味!!!
主菜中辣蟹用艇酱炒,好惹味!! 而且蟹肉嫩滑鲜甜,一食难忘. 不过辣度依然未及我要求,我认为大辣系无问题! 再加上席上有专兄同Christy,一定冇问题. KC都顺应我地要求叫呀姐改避风塘蟹做大辣.
辣椒金沙辣度果然好足,我都觉得几辣. 不过辣得系有味,唔会令你冇知觉!! 专兄仲劲,斋食金沙,仲食到停唔到口,哗,真系甘拜下风!! 不过我都同意专兄讲,都系中辣至食到真正蟹味. 而家基本上系食辣味多.
食到最尾鸭汤河真系一流. 估唔道细细碗唔起眼汤河鸭味浓郁,河粉又唔会太淋!! 下次系必叫之选.
不过今餐难为了恶男,又抹汗,又不停饮蔗水,下次唔好咁大口食落去喇!!
最后都要多谢KC介绍,又多处食辣好地方!!
张贴
