十八座狗仔粉

营业中

休息中

某日同朋友经过十八座狗仔粉，我话我未食过，朋友觉得我好奇怪，话呢啲野应该系由细食到大㖞🤔。真系？我只食过银针粉咋㖞，好啦，今日lunch趁有机会就走去试下！坐低叫左细粉细翅，我见份量唔大应该食得哂，咁就一次过满足哂两个要求喇😁。落单时阿姐问我加唔加猪油渣，会香啲口感丰富啲， 我话好吖😊。其实狗仔粉个质地有啲糊，有啲结，我一般唔会钟意嘅，但因为加左葱同猪油渣，有啲脆口香口野混下，味道又唔错噃。我见菜牌有大大只字「辣菜甫」，应该系好野，于是我就加左一匙... 好好味呀， 菜甫本身好脆口又够哂辣，加落去成碗野提升哂啦😍😋👍跟手我仲落多两大匙添😁食完粉就试下个翅啦，碗翅感觉好多料，每匙都舖满火鸭丝同木耳，虽然的觉得结左啲，但火鸭嘅烟香味同木耳嘅爽脆加埋大量胡椒粉，真系令你好想快啲清左佢😅为左佢嘅辣菜甫，我觉得都可以久唔久嚟帮趁下嘅😝。