AC2 Canteen

营业中

休息中

Ac2最冇伏嘅必然系饭类嘅食品，虽然都系少少颓，但起码个伏细好多。Lunch叫咗个咖哩炸鸡脾饭，食落又果然真系唔伏㖞。份量方面，饭都系大概一大碗嘅份量，隔离都铺住颇多嘅咖哩汁，而且只炸鸡脾都大只。先讲咖哩，佢个汁唔系日式咖喱，似系印度式𠮶种，同埋佢个汁系非常辣嘅。会食到流晒汗😿😿佢个炸鸡脾，真系有惊喜！冇谂过佢又炸得几好㖞。佢起码炸到出面皮几脆，入面肉又唔会柴晒，虽然佢唔juicy，但啲鸡肉都食得出有腌过。成个set配嘢饮，都食得饱。