影片
更多
2020-11-05
49 浏览
天气凉左，成日心痒痒想去打边炉，今晚就坐言起行，约朋友整番餐火锅食下🤗。渝味晓宇重庆老火锅有好几间分店，今晚黎到坚尼地城分店，餐厅比我感觉好干净整齐；我地两个人选择坐卡位，坐位都好濶落，枱面预先已放好两条即弃围裙供客人使用，非常贴心🤗。店员先送上红枣雪耳糖水比客人先润一润，呢排天气干燥嘅，真系岩晒😋。🥘鸳鸯锅底 - 麻辣同芫荽皮蛋汤底，一辣一唔辣；唔好睇个汤底红当当比佢吓亲，以为系劲辣咩🤣，其实我地order左小辣咋⋯⋯个汤底麻香十足，岩晒我呢啲钟意小小辣又喜欢重口味嘅人士😆；芫荽皮蛋𠮶边汤底清清地，最钟意系果粒糖心皮蛋，蛋白嫩滑啫喱口感，糖心蛋黄甘香粘牙🤗。🥢美国安格斯优质肥牛 - 油花分布均匀，入口甘香牛味浓，记得只须系滚汤中拖两拖，保持肉质鲜嫩，口感会更加细致。🥢八头鲜鲍鱼、桂花蚌 - 同样提议渌嘅时间系30秒，入口弹牙，鲜味十足，尤其系桂花蚌特别鲜甜爽脆。🥢手打虾滑- 全虾胶嘅虾滑，非常鲜甜弹牙。🥢稻田毛肚 - 毛肚全无漂过，全无化学成份，放心食用，只须拖10秒，爽口到冇朋友🤗。🥢晓宇苕粉 - 唔好睇佢成条硬绷绷咁🤣渌完之后晶莹剔透，入口烟烟韧韧，女士们一定钟意😋🥢黄金菇 -
渝味晓宇重庆老火锅有好几间分店，今晚黎到坚尼地城分店，餐厅比我感觉好干净整齐；我地两个人选择坐卡位，坐位都好濶落，枱面预先已放好两条即弃围裙供客人使用，非常贴心🤗。
店员先送上红枣雪耳糖水比客人先润一润，呢排天气干燥嘅，真系岩晒😋。
🥘鸳鸯锅底 - 麻辣同芫荽皮蛋汤底，一辣一唔辣；唔好睇个汤底红当当比佢吓亲，以为系劲辣咩🤣，其实我地order左小辣咋⋯⋯个汤底麻香十足，岩晒我呢啲钟意小小辣又喜欢重口味嘅人士😆；芫荽皮蛋𠮶边汤底清清地，最钟意系果粒糖心皮蛋，蛋白嫩滑啫喱口感，糖心蛋黄甘香粘牙🤗。
🥢美国安格斯优质肥牛 - 油花分布均匀，入口甘香牛味浓，记得只须系滚汤中拖两拖，保持肉质鲜嫩，口感会更加细致。
🥢八头鲜鲍鱼、桂花蚌 - 同样提议渌嘅时间系30秒，入口弹牙，鲜味十足，尤其系桂花蚌特别鲜甜爽脆。
🥢手打虾滑- 全虾胶嘅虾滑，非常鲜甜弹牙。
🥢稻田毛肚 - 毛肚全无漂过，全无化学成份，放心食用，只须拖10秒，爽口到冇朋友🤗。
🥢晓宇苕粉 - 唔好睇佢成条硬绷绷咁🤣渌完之后晶莹剔透，入口烟烟韧韧，女士们一定钟意😋
🥢黄金菇 - 比起金菇更加更加爽口
🥢冻豆腐- 渌完后起晒蜂巢，用嚟索麻辣汁真系一绝👍🏻。
总舍黎讲，渝味食材够新鲜，值得推介👍🏻
张贴
