渝味曉宇重慶老火鍋 (聚賢逸居) (已結業)

呢间餐厅食物种类比较多，稀有既内脏都会有。一入门口已经闻到麻辣香味，带好围裙就免费送上红枣雪耳糖水打个底。叫左鸳鸯锅，普通辣同蕃茄汤底，辣度一开始还可以接受到，但后期唔好顶得顺。 《纽西兰精品羊肉卷》$56有少少膻味，但同火锅汤底几夹，个人觉得亲蕃茄汤比较好。《大刀牛肝》$46先将牛肝同鹌鹑蛋捞一捞先，熟左之后点一点甜甜地辣椒粉食。《牛骨髓》$46口感好特别，有点似豆腐。《牛心椗》$59口感有点似鱿鱼，但比较爽口。《晓宇苕粉》$29则系薯粉，时间要把握得好，5分钟就可以煮到烟烟韧韧咁。 《功夫莴笋片》$22解辣之选，建议放系蕃茄汤底《冻豆腐》$29系冻左既蜂巢豆腐，放落火锅，入面既冰慢慢溶，火锅汤慢慢浸入豆腐，所以一咬，就好多汁。《稻田毛肚》$62虽然外表唔靓，食落又唔差，口感好似薄片金钱肚咁。《重庆粍儿鱼》$42条鱼细细条，鱼肉一夹就会离骨《红糖糍粑》$36口感烟烟韧韧，建议大家最后先叫，呢间餐厅上菜得好快。《红糖冰粉》Like fb 送既，食到觉得辣，就要叫，除左冰粉仲有提子干同豆。