豐鍋雞煲 (荔枝角道) (已結業)

个fd讲左几次话丰锅鸡煲好好食, 讲完又讲, 比佢讲到我都忍唔住去试下!餐厅都几大, 座位唔会好迫, 而且今晚晏左d食饭, 食肆要收10点所以唔算好爆场, 令我坐得再舒服d, 店内仲有大大个挂墙电视, 可以一路睇电视一路食丰锅招牌麻辣鸡煲店员放上枱再炒两炒就食得, 好香! 睇小左佢既辣度, 叫左中辣, 辣得济但又好刺激好惹味, 食左一半都系叫店员加汤, 煲左阵之后又越煲越辣, 中意食辣既话就实中意呀! 半只鸡份量足, 鸡件既肉多唔会得d骨, 痴住哂d酱汁好香❤雪花肥牛并猪腩片大片整齐, 厚薄均匀, 肉味颇重, 不错!手工即炸鱼皮哗见到心心眼, 未食过咁大块即炸鱼皮, 横过个煲呀!! 浸一浸汤入口卜卜脆又香口, 好味!四式手打丸全部都好弹牙, 墨鱼丸有两款, 分别系墨汁丸同普通墨鱼丸, 墨汁丸入面有粒粒墨鱼碎, 两者都有鲜味👍🏻而虾丸我亦好中意, 鲜虾味好出, 弹牙有质感👍🏻仲叫左冬菇, 萝卜, 鸭血, 鸭血最正呀又厚又大块, 食落厚实索埋d辣汤好正野饮叫左乌梅汁同埋蓝蝶雪梨, 呀又估唔到个卖相几靓又大杯, 乌梅汁酸maymay好开胃又解油腻, 蓝蝶雪梨就好清甜解渴。