Bingo & Cook (京都廣場)

营业中

休息中

耐唔耐都会食吓韩国菜，呢间bingo & cook都几出名，喺尖沙咀同铜锣湾都有分店，食物质素几高😌之前食过佢嘅辣酱炒猪肉，好好味，所以每次嚟都会点，而且好大份，大家share食啱啱好👍🏻佢个酱汁真系好好味，配肉同菜都好味，而且猪肉口感好好，唔会好肥，食落非常惹味🥰另外必食嘅系佢嘅饼，之前食过海鲜饼好好味，今次试咗韭菜牛肉饼，同样食到停唔到口，好香脆，我哋仲加埋猪肉入边嘅辣酱一齐食，更加滋味✌🏻今次我哋冇食炸鸡，试咗呢款50cm嘅海鲜火锅，真系打卡一流，要用两个炉先可以煮到，入面铺满各类海鲜，有虾、蟹、鲍鱼、青口、鱿鱼、扇贝等，真系好夸张。