揀得啱車仔麵 (已結業)

咁岩今日约咗朋友喺上环等，俾我发现到中环广场2楼有间食车仔面。而且价钱尚算亲民，喺网上面发现有麻雀主题嘅米线，加上我同我朋友突然之间好想食车仔面，所以就决定上去试下。一上咗去，就见到呢间车仔面，好彩𠮶阵未到食饭时间，所以都唔使等位。坐低左之后，本身想叫麻雀米线试下，但后尾见到有『 205辣酱』。我同朋友因为好肚饿嘅关系，所以我哋叫多咗两个小食，分别系千杯不醉鸡翼同生菜。本身以为千杯不醉鸡翼系等于醉鸡，但系一上到黎就发现有少少唔同，虽然系鸡翼，又有酒味，但系佢冇醉鸡𠮶只后劲🤫至于车仔面方面，我同朋友都叫咗好多𩠌，包括有猪红、松露鸡肉水饺、猪软骨、爆浆贡丸等等，面底同汤底方面，我地叫左咖哩同『205辣酱』的小辣，佢有3种辣度可以选择，因为我哋惊好辣又咁啱比店员听到🤭佢哋好好人咁帮我哋分开上个辣酱。如果加钱配出前一丁都可以要个汤底，佢会比你自己选择落唔落味粉落碗面度🤤我同朋友都觉得松露鸡肉水饺系其中一个值得推荐嘅，水饺皮够薄，入面嘅松露鸡肉份量十足，但都无出现爆哂出嚟嘅情况😚猪红都系佢哋嘅主打菜之一，但我觉得叫落车仔面有啲浪费左，下次一定要试下佢哋个麻辣猪红！