影片
更多
2019-03-02
586 浏览
今日喺office竟然食到山长水远喺元朗小确幸送到港岛嘅布甸烧作为散水饼真系好惊喜。不同味道嘅布甸会印上不同的多谢字句作为分别（胶盖上亦有小贴纸写上系咩口味)。之前都喺元朗门市食过一次，都觉得唔错，但觉得价钱有点贵，所以无再去食。今日送上门，当然唔客气啦。原本每位同事一个，但有同事唔食嘅关系，我最后食咗两个，分别系抹茶味 同 栗子味。食第一个时未发现有小纸碟提供，所以用胶盖反转做碟，倒出来后，焦糖浆份量刚好无流出盖。食第二个就倒喺小纸碟，卖相较好但无咁环保，所以下次再食的话，我觉得好好善用胶盖就可以。1）抹茶味保持到同上次我去门市食的味道，香浓嘅抹茶布甸配合淡口芝士蛋糕，两部分一齐食，食到两种唔同层次嘅软熟。2)栗子味呢个味道我第一次食，有少少惊喜。首先，上层栗子味布甸加上焦糖浆系偏甜，入面食到少少已经磨成沙质嘅栗子蓉。再夹卖下层芝士蛋糕一齐食，就同头先食嘅抹茶口味好唔同。今次偏甜嘅栗子布甸突出了芝士嘅酸味，令到甜品除左有口感嘅层次外，仲多咗个味觉冲击！唔错！
今日喺office竟然食到山长水远喺元朗小确幸送到港岛嘅布甸烧作为散水饼真系好惊喜。
不同味道嘅布甸会印上不同的多谢字句作为分别（胶盖上亦有小贴纸写上系咩口味)。
之前都喺元朗门市食过一次，都觉得唔错，但觉得价钱有点贵，所以无再去食。
今日送上门，当然唔客气啦。原本每位同事一个，但有同事唔食嘅关系，我最后食咗两个，分别系抹茶味 同 栗子味。
食第一个时未发现有小纸碟提供，所以用胶盖反转做碟，倒出来后，焦糖浆份量刚好无流出盖。
食第二个就倒喺小纸碟，卖相较好但无咁环保，所以下次再食的话，我觉得好好善用胶盖就可以。
1）抹茶味
保持到同上次我去门市食的味道，香浓嘅抹茶布甸配合淡口芝士蛋糕，两部分一齐食，食到两种唔同层次嘅软熟。
2)栗子味
呢个味道我第一次食，有少少惊喜。首先，上层栗子味布甸加上焦糖浆系偏甜，入面食到少少已经磨成沙质嘅栗子蓉。再夹卖下层芝士蛋糕一齐食，就同头先食嘅抹茶口味好唔同。今次偏甜嘅栗子布甸突出了芝士嘅酸味，令到甜品除左有口感嘅层次外，仲多咗个味觉冲击！唔错！
张贴
