澳門翠苑餐廳

营业中

休息中

平时出旺角都系食拉面、放题，估唔到旅游区都重有传统街市式熟食中心。今日K先生要去旺角买模型材料，顺道黎呢间我恨左好耐既餐厅食（话说K先生成日都话我身为女仔，竟然唔钟意食西餐，而系会食大排档、街边小食）去到既时候系12点左右，成个熟食中心都好多人😮连著西装既男仔都有，睇黎呢个熟食中心都好受周边打工仔既欢迎。所以系lunch time黎到既我地要揾左一阵先有位，而且一定要搭枱。一入熟食中心第一间就系澳门翠苑餐厅，亦都系我既目标不作他想，立即叫左最出名既咖哩牛腩农夫包！收左钱之后，职员会比个牌仔比你，揾左位之后放系枱面，职员就会送餐过黎。由于农夫包即叫即焗，要等大约10分钟。一黎到既时候，我有少少吓亲因为成个包好似mini南瓜咁大，旁边重有咖哩汁同罗宋汤跟埋（重点我一个人食哂🙄）整个农夫包焗得好脆，但又唔会㶶餐厅比埋胶手套我地去摵个包，细心农夫包入面有6，7旧牛腩，2旧牛筋，全部都炆得好淋。原本以为咖哩牛腩系平时食果种，原来牛腩系清炖，再额外跟咖哩汁，应该系防止咖哩汁整淋个包。用个面包顶点左咖哩汁试，估唔到望落咖哩系港式偏黄，食落却似印度式，即系有辣度并带有香料味，而且都好稠身，沾包食一流。