大榮華圍村菜 (已結業)

又系一棚人嘅饭局，仲有大部份东九人或晌东九返工，顺理成章就拣哩大荣华，除咗位置上就到大多数人，价钱亦系考虑因素，同枱友人想悭悭哋唔好食咁贵，大荣华确系经济之选，打开点菜纸过百款围头小菜、点心、炒粉面，样样都系卖$55，实在非常方便预数，兼且碟碟份量都有番咁上下，的确抵食！好似我哋8个人（2男6女），叫咗7𩠌，加埋个明火例汤同几个猪油捞饭，都唔使6旧水，食到肚满肠肥，哈哈！另外，𩠌菜水准都稳定，未必好到哗哗声，但点都唔会话好差。围头五味鸡 – 无考究个名嘅由来，睇样似烧味嘅油鸡，食落都似，鸡肉OK，都够入味。鸡蛋焗鱼肠 – 一上枱，一阵阵蛋香，个面又焗到脆脆，正！鱼肠洗我干净，唔觉有苦！虾酱豆卜蒸肉眼根 - 肉眼根咬落口几爽，虾酱蒸唔使讲够惹味，加埋索晒味嘅豆卜，捞饭至爱。蚬介姜葱牛肉煲 - 蚬介，又系咸香嘢，搭埋姜葱，成个煲变得香喷喷，不过D牛肉一般般，有少少嚡添。鲍汁脆皮豆腐 – 个鲍汁唔算浓，但显我个茨汁好油咁，唔知点解叫脆皮豆腐，咁煮法加埋个茨都变得唔脆啦！蒜茸炒豆苗 - 蒜茸炒乜都咁好食。鲍汁北菇扒波菜 - 鲍汁正如上面咁讲，个味道都系薄身咗，但幸好波菜够嫩，而D菇非常大只够厚