影片
更多
2014-05-11
471 浏览
本人虽然钟意饮咖啡,但系甚少到呢类型咖啡店,因为唔惯花三,四十蚊买杯价钱咁高o既饮品,呢个价钱差不多可以食一个午餐早排收到朋友经电邮送赠o既星巴克卡eGift,有现金$50储值额可用,见到新会员参加 My Starbucks Rewards 计划可以得到迎新奖赏,享有一次「买一送一」饮品优惠,本人登记左做会员后,奖赏到期前就揾埋朋友放工后一齐去饮野呢几日天气都唔稳定,间中仲落大雨,我地放工后就黎到呢间分店,所谓买一送一优惠,就系买任何即场由咖啡师冲o既饮品,唔系放o系雪柜o个o的预先包装饮品,无论系咖啡,茶,朱古力抑或系星冰乐,只要叫两杯饮品,就收比较贵一杯o既价钱朋友怕饮完咖啡,夜晚瞓唔到觉,唔想饮含有咖啡o既饮品,知道会员奖赏计划系消费每满$20可以获得一粒星星,见到大部份饮品都系卖三十几到四十几蚊,所以我就选左两杯$40饮品,我要左抹茶忌廉星冰乐(特大),另外帮朋友叫左芒果热情果星冰乐(特大)排队等左几分钟落单,登入手机程式付款及享用优惠,俾钱后等左5分钟就整好两杯饮品我饮抹茶忌廉星冰乐,落单时候店员会问我加唔加忌廉,因为要o系杯抹茶上面加忌廉,所以用个特别杯盖,忌廉唔系太甜唔会
早排收到朋友经电邮送赠o既星巴克卡eGift,有现金$50储值额可用,见到新会员参加 My Starbucks Rewards 计划可以得到迎新奖赏,享有一次「买一送一」饮品优惠,本人登记左做会员后,奖赏到期前就揾埋朋友放工后一齐去饮野
呢几日天气都唔稳定,间中仲落大雨,我地放工后就黎到呢间分店,所谓买一送一优惠,就系买任何即场由咖啡师冲o既饮品,唔系放o系雪柜o个o的预先包装饮品,无论系咖啡,茶,朱古力抑或系星冰乐,只要叫两杯饮品,就收比较贵一杯o既价钱
朋友怕饮完咖啡,夜晚瞓唔到觉,唔想饮含有咖啡o既饮品,知道会员奖赏计划系消费每满$20可以获得一粒星星,见到大部份饮品都系卖三十几到四十几蚊,所以我就选左两杯$40饮品,我要左抹茶忌廉星冰乐(特大),另外帮朋友叫左芒果热情果星冰乐(特大)排队等左几分钟落单,登入手机程式付款及享用优惠,俾钱后等左5分钟就整好两杯饮品
我饮抹茶忌廉星冰乐,落单时候店员会问我加唔加忌廉,因为要o系杯抹茶上面加忌廉,所以用个特别杯盖,忌廉唔系太甜唔会肥,有抹茶味,不过饮到底觉得好甜,同埋有较大粒碎冰,似乎咖啡师将o的冰打得唔碎,我要打开杯盖拎起个杯倒落口饮,听讲抹茶本身系唔甜,系要加左糖水先有甜味,若果日后再饮,或者试下叫少甜啦!至于朋友o个杯系芒果热情果星冰乐,果汁味道清新,呢杯饮品都系最大size,当晚天气预测会落大雨,或者朋友想快o的饮完搭车返屋企,我谂佢饮得太急,饮完杯野觉得几冻
其实咖啡店有轻松舒服环境,若果同埋朋友一齐黎饮野倾计,可以消磨时间不过呢间分店职员懒于执拾清洁,除左见到其他空枱上有杯碟,我地张枱之前客人留低o既杯碟都系一路冇店员收拾,呢方面真系需要改善
饮完野我地就各自返屋企,呢晚真系好彩,冇o系街食晚饭,避过一场大雨,返到屋企后,天文店发出黑色暴雨警告添!
题外话/补充资料：
My Starbucks Rewards 会员计划迎新奖赏系享有一次「买一送一」饮品优惠,之后到任何分店消费每满$20获得一粒星星,累积25粒星星后可免费得到一杯中杯装饮品,另外会员生日月份免费获赠中杯装饮品一杯或蛋糕一件
(以上食记乃用户个人意见 , 并不代表OpenRice之观点。)
张贴
