CHOWTIME

营业中

休息中

星期五晚嘅新港城食咩都要排队，好彩我醒目谂到搭多个站喺乌溪沙落车，呢间西餐好似新开，就试呢间啦。价钱都唔贵，大约百零蚊有交易，始终马鞍山区都系街坊生意，定价都算贴地，叫左几样野都几好味，马友可以bookmark呢间。叫左个set dinner ，138已经包左餐汤沙律饮品，加钱可以转特饮，西班牙黑毛猪烧到7成熟，入口都几juicy，加左苹果酱酸酸甜甜几开胃。美式猪肋骨同平时食开唔一样，劲大条又厚肉，食肉兽最爱。珍宝杂锦薄饼材料都几丰富好多芝士，饼底系近似饼干底，几脆口几好食。炸蕃薯条炸得好脆，甜甜地好正呀。3个人埋单590，除开都唔洗200一位，算几抵食嘅。