肆年八月米線專門店 (已搬遷) 新店位置

本人后知后觉，近年先钟意食米线，而3哥已可满足自己既欲望，所以绝少周围试唔同米线。呢间食过两次，个蕃茄蛋汤底一试爱上！好似粟米羹咁既质地，有蕃茄粒同蛋丝，加上米线本身既发涨能力好饱肚，食完d面会发觉汤底都冇晒咁滞😅另一推介系手拉奶茶，本身好钟意饮奶茶，呢樽绝对冇令人失望。见佢预先冲好都知冇得少甜，但佢甜度适中，而且口感顺滑，仲厚滑过太兴/其他樽装冻奶茶，赞👍🏻𩠌方面蜂巢豆腐ok、蒜蜜猪扒可能浸左汤冇满满既蜜糖味，肉质偏硬而薄身、猪颈肉就普通，甚有d成块肥膏。小食口水鸡翼系冻食，连我唔食得辣都觉得唔辣，d汁入唔到鸡翼，肉都偏鞋。佢既米线比出面贵，不过睇番餐牌不少食物都有心思/较特别，会继续帮衬发掘最好味既组合。