秀韓國餐館 (已結業)

好多朋友近来都同我讲开金巴利街有间几地道的韩国菜, 但无人知o向边同叫咩名, 我相信我d朋友系想讲呢间: )早两星期试过呢间, 唔系因为大长今关系, 系本人二月去完韩国后, 朋友带我试过最traditional 既韩国菜后, 好想在香港揾番呢d风味所以周围去揾...早排睇报章都有提过呢间舖头, 原来系无得订位的, 所以我建议大家七点半前去坐定定, 因为真系得几枱o架咋...我点了辣鸡排, 报章提过呢间既用料全都是空运来港的, 我同意佢既腌料应该冇错, 不过当晚点的鸡排我觉得系在本地买的... 我在韩国试过的鸡排系无骨啖啖肉, 不过唔知系咪佢近排多人帮衬, 竟然俾o左好多骨既鸡俾我, 呢样令我几失望, 而且portion 细好多(虽则我都系两个人食...), 但$180 用咁既料真系唔多值啰!!Menu选择唔多, 泡菜豆腐或泡菜汤都欠奉; 加埋顾客多了和人手唔够的关系, 食得真系唔多舒服, 由于地方狭窄的关系, 一张四人枱居然五个人坐(三个系搭枱的), 摆两大个烧鸡排的锅已经摆唔到其他配菜, 食得好辛苦呢....咁既价钱我情愿帮衬番有规模d 既韩国餐厅o勒...