龍門冰室 (已結業)

近期龙门冰室大热，于是同朋友一齐去支持下佢。当日已经要排一阵队先至可以入去，铺头内看到人头涌涌。睇一睇个餐牌，食物选择多，而且价钱相宜，比起出面好多冰室都平，难怪咁多人支持佢啦。同朋友叫咗个牛仔骨平带子铁板餐，上到枱我哋都吓咗一吓，因为佢个份量惊人，一个人绝对食唔晒起码有五件牛仔骨，好抵食！佢跟住嘅薯菜都唔错，好脆口，佢个黑椒汁都系分开另上，唔会话浸到林晒。另外我叫咗个玉子常餐，又系好大份，佢跟住个雪菜肉丝米，间餐厅绝对唔孤寒，所有份量都好大份。我同朋友另外再叫多咗个蜜糖鸡翼，虽然烧㶶咗少少，不过味道都系非常唔错。另外𠮶餐都包嘢饮，非常抵食整体来讲龙门冰室除咗系良心店舖之外，佢嘅成份都好大份，绝对系抵食之选！