巷仔冰室 (已結業)

虽然呢间餐厅位置唔多就脚，又喺街巿隔离，唔多讨好，但却好受街坊同附近上班族欢迎，平日黎食lunch最好1点前到，虽已经要排队但算较少人啦。Lunch set送餐汤，罗宋汤几够浓味，虽有用茄膏但又几多蔬菜料同埋唔会水稀稀咁。热好立克几浓味，唔需要落糖都够味。咖哩海鲜蛋包饭$55: 蛋层系几薄既，里面嘅饭系调过味去煮，几湿润唔干，都有唔少海鲜粒粒，无雪味，其实本身个饭都够味，不过又可以加咖哩汁食更惹味，咖哩汁唔偏甜，几浓香，仲配少少沙律补充纤维。美式杂扒烧肉汁$58: 呢个朋友食嘅，有猪仔脾、猪扒、肠仔、火腿，试左少少，煎得几香，肉唔粗糙但又唔系落松肉粉果只，有口感又有真实味道。总括系几扺食嘅，嘢食又有质素，上菜有效率，怪唔之得咁多人帮衬啦！