Honbo

营业中

休息中

最近成日听到人地讲呢间铺头可能系世界上最好食嘅汉堡包，一直好都想试下，为左唔想排队，特登6点几就去到，可以即刻入座，铺头唔大，唔系好多个位，坐张左2人枱，真系非常细，想嗌多少少野食都冇位摆，但系铺头装修唔错，几有外国嘅味道。叫左一个CLASSIC BURGER 同埋HONBO，加左薯条同一罐可乐，因为冇餐嘅关系，如果一个人食一个包加薯条再加野饮都要150左右，都几贵。CLASSIC BURGER 同埋HONBO都分别不大，一个有CHEESE一个冇，中间块肉都系一样，个包质地唔错，干身得黎有DD脆，块汉堡扒都几JUICY，好多肉汁流出黎，但系食落去又唔系话有太大惊喜，如果话系全世界最好食，真系会有少少失望，但系好欣赏呢间餐厅唔会放蕃茄落个包度，因为蕃茄会好湿，令到个包都湿晒。薯条就冇乜特别，偏咸同埋偏硬，份量系几多，但系唔算好食，整体黎讲，会再黎食多次，但系可能期望太大，所以有少少失望。