Burgeroom (Fashion Walk)

营业中

休息中

已经隔了一排了没有吃手工汉堡了，实在挂念。今日跟同事黎铜锣湾试burgeroom，黎到排左一阵队好快就有得入，好彩我地都几早黎。排队见到室外有位，气氛好似唔错，不过都系坐室内有冷气。黎到见到menu有个龙虾汉堡，咁大个人真系未试过，见个价钱都ok，可以一战！个汉堡上到黎就系觉得好大份抵食，仲要食材十分足料。龙虾汉堡有成个龙虾头连埋上，入面有成只龙虾肉！未食就见到龙虾肉多到跌出黎咁，咬落去啖啖肉，存在感十分高，因为肉好厚身，肉质爽脆鲜甜，龙虾肉下面仲配左牛油果酱，番茄，夹埋食甜甜酸酸，个感觉系几新鲜！除左汉堡仲叫左个香辣鸡翼同芝士扭扭薯条。鸡翼系比较细件，所以香辣味更加入味，外皮用炸粉包起，新鲜炸起热辣辣超香脆，而且唔会过辣，岩岩好！沙律叫左烤大磨菇沙律，面头烤大磨菇配上蕃茄肉粒，同酸酸既汁，咬落去超多汁，同好鲜甜！沙律菜配黑醋汁，只汁我几钟意，菜好新鲜，食完胃口大增！好满足呀，有机会都要去学下整先得，实在太钟意食手工汉堡了。