影片
更多
2018-08-06
110 浏览
5月第一次去养心殿 自此之后每次出街打边炉, 养心殿都系我嘅首选, 短短几个月就第三次去帮衬!! 大热天时都吸引到我去打边炉, 主要系因为佢汤底好饮又足料, 食物真系新鲜, 唔系净系得个样. 而且仲设有优惠时段, 7点半前埋单有半价, 好鬼抵!最近马鞍山新开商场又开左养心殿, 心思思又同屋企人去食左一次! 我地叫左个美人锅汤底, 由乌鸡、杞子、金华火腿肴制, 我同屋企人都先饮左一两碗汤先开始打边炉, 饮落去鲜甜, 系老火鸡汤嘅味道, 相信系用左乌鸡, 所以一D都唔会觉得太油腻.正式开始打边炉前, 先到自助调味料到拎下D酱料, 选择唔算多, 不过基本野都有齐, 而且全部大大盘, 台面干净企理 (我最怕果D倒到周围都系, 痴笠笠). 我地叫嘅都系肥牛肉, 鸭肉片, 响玲, QQ粉, 手打丸类拼盘, 水饺同蔬菜篮.每款食物份量虽然唔多, 但都系以质取胜, 每样都好新鲜, 特别推介QQ粉, 熟左之后系透明嘅, 真系好弹牙,而且吸水力特强, 吸晒汤底精华, 好鬼正! 另外值得一提系鸭肉片, 鸭胸肉切到好薄, 恰嘅时间唔需要太耐. 食落其实都同一般猪肉片差唔多, 鸭味唔算好突出, 但油脂感无咁
最近马鞍山新开商场又开左养心殿, 心思思又同屋企人去食左一次! 我地叫左个美人锅汤底, 由乌鸡、杞子、金华火腿肴制, 我同屋企人都先饮左一两碗汤先开始打边炉, 饮落去鲜甜, 系老火鸡汤嘅味道, 相信系用左乌鸡, 所以一D都唔会觉得太油腻.
正式开始打边炉前, 先到自助调味料到拎下D酱料, 选择唔算多, 不过基本野都有齐, 而且全部大大盘, 台面干净企理 (我最怕果D倒到周围都系, 痴笠笠). 我地叫嘅都系肥牛肉, 鸭肉片, 响玲, QQ粉, 手打丸类拼盘, 水饺同蔬菜篮.
每款食物份量虽然唔多, 但都系以质取胜, 每样都好新鲜, 特别推介QQ粉, 熟左之后系透明嘅, 真系好弹牙,而且吸水力特强, 吸晒汤底精华, 好鬼正! 
另外值得一提系鸭肉片, 鸭胸肉切到好薄, 恰嘅时间唔需要太耐. 食落其实都同一般猪肉片差唔多, 鸭味唔算好突出, 但油脂感无咁重, 食多两片都唔腻. 出面比较少有鸭肉片打边炉, 钟意试新野嘅朋友都可以试下.
张贴
