Sole Coffee (已結業)

餐厅只系得3、4张枱，白色系嘅装修，主要靠外面透入嚟嘅光照明，比到人一种舒适感。每一款食物其实都好高质，价钱又抵食，所以系近期最欣赏嘅coffee shop！⭐️日式蟹膏酱松叶蟹肉忌廉意大利面 $118 蟹肉的份量好多，食到最后都仲会有，而且系鲜甜湿润，超正！ 意大利面嘅酱汁充足，不过系比较清爽嘅忌廉意大利面，唔会有油腻感！⭐️All Day Breakfast $98好丰富嘅all day breakfast，有水波蛋、烟肉、大啡菇、薯饼，竹炭多士、沙律菜、另外再加$15叫咗个好好食嘅牛油果，虽然每样食物都好平凡，但加埋一齐就系疗愈嘅all day breakfast ~⭐️cream brûlée latte $40⭐️tiramisu coffee $48呢两款都系将甜品融入去咖啡之中，既特别又好啱打卡❤️Cream brûlée 𠮶款系latte上面有一层簿簿嘅焦糖，可以轻轻敲下🤣Tiramisu 𠮶款就系将tiramisu cream代替牛奶再加上可可粉，有啲似奶盖咖啡，咖啡味道会偏酸一点。