影片
更多
2023-01-16
612 浏览
爆膏斑马濑尿虾🦐三年海鲜炖饭🦀罕见烤地鸡刺身！-系黎呢到前一个礼拜，田中训紧晏觉收到电话，有个师傅打黎问想食咩，倾完一轮，未训醒嘅田中收线先醒起，就系呢间私房小店。佢地为咗了解客人喜好，师傅都会亲自打黎，无论想食罕见食材，或者全由师傅发办都得。而用餐时亦会全程讲解，呢种私房形式，真系极难揾到第二间。-🍱Tailor made menu ($600-$1500/位起)1️⃣其实Menu价钱由客人制定，如果想试更多，例如上图嘅溏心斑马赖尿虾咁，亦可以同师傅沟通Budget，例如田中呢次咁，就大约$1200一位。2️⃣可能大家会觉得有啲似Omakase，但其实系师傅设计发办嘅私房菜式，另外佢地亦唔系主打寿司，而系主打独有自创菜式、自家手工熟成刺身，同埋各种海鲜料理。-前菜🥢焦糖𩽾𩾌鱼肝、冲绳水云、高野豆腐 (昆布大根)刺身🥢长崎深海池鱼 (熟成5日 腩位)🥢长崎火炙竹签鱼 (熟成3日 海盐)🥢厚切秋刀鱼 (九州葱 姜蓉)🥢北海道𫚕鱼 (熟成4日 柚子朝椒)🥢北海道象拔蚌 (前中后三个部位)🥢北海道火炙酱油溃银鳕鱼🥢蛇腹托罗 (熟成6日)正如上边提到，自家手工熟成刺身系主打之一，由师傅亲手制作，而唔系
-
系黎呢到前一个礼拜，田中训紧晏觉收到电话，有个师傅打黎问想食咩，倾完一轮，未训醒嘅田中收线先醒起，就系呢间私房小店。
佢地为咗了解客人喜好，师傅都会亲自打黎，无论想食罕见食材，或者全由师傅发办都得。而用餐时亦会全程讲解，呢种私房形式，真系极难揾到第二间。
-
🍱Tailor made menu ($600-$1500/位起)
1️⃣其实Menu价钱由客人制定，如果想试更多，例如上图嘅溏心斑马赖尿虾咁，亦可以同师傅沟通Budget，例如田中呢次咁，就大约$1200一位。
2️⃣可能大家会觉得有啲似Omakase，但其实系师傅设计发办嘅私房菜式，另外佢地亦唔系主打寿司，而系主打独有自创菜式、自家手工熟成刺身，同埋各种海鲜料理。
-
前菜
🥢焦糖𩽾𩾌鱼肝、冲绳水云、高野豆腐 (昆布大根)
刺身
🥢长崎深海池鱼 (熟成5日 腩位)
🥢长崎火炙竹签鱼 (熟成3日 海盐)
🥢厚切秋刀鱼 (九州葱 姜蓉)
🥢北海道𫚕鱼 (熟成4日 柚子朝椒)
🥢北海道象拔蚌 (前中后三个部位)
🥢北海道火炙酱油溃银鳕鱼
🥢蛇腹托罗 (熟成6日)
正如上边提到，自家手工熟成刺身系主打之一，由师傅亲手制作，而唔系熟成机制，考验功架同技术控制，提炼谷氨酸鲜味，培养出鱼料脂香，更显得鲜香浓郁。
🥢流心斑马濑尿虾 (约$500一只 两位用)
招牌重点之一，斑马濑尿虾一向大只多膏，佢地特意煮得恰到好处，做到虾膏流心嘅效果，甘香又鲜味浓郁，极为幸福。
🥢左口鱼边寿司 (酱油渍、火炙)
🥢鲭鱼卷
全餐唯二寿司，前者一向肥美软腍，脂香极丰富，后者特意配上寿司姜，而唔系昆布，更显清爽酸甜，系田中最爱之一。
-
🥢高知县萝卜沙律
少有地用上萝卜薄片，极爽口多汁，拌上沙律酱、辣炸蒜、木鱼碎同酱汁，层次令人非常难忘，而且出边亦未曾食过。
🥢松叶蟹多士
极澎湃松叶蟹肉，用上Sake味醂煮酒酱汁，提取清酒嘅甜度，再同其他配料拌埋，绝对系出边少有嘅味道。
-
🥢烤九州地鸡刺身
香港极少见鸡肉刺身，烤至约5-7成熟，外脆又锁紧肉汁，入口极为香嫩，当然大家想试更生嘅话，可以同师傅预先讲定
🥢三年半特制海鲜饭
招牌之一，系师傅开店三年半以黎，每日用上各种虾蟹、濑尿虾、鲜鱼骨煲成汤胆，加入面豉提鲜去腥，再混入炸蒜，鲜味极为浓郁，就似食紧海鲜一样。
-
甜品
🥢特别订造日本红豆雪糕、柚子芝士蛋糕、朱古力布朗尼
🍶清酒Sake
从佢地Menu就知，唔系少见嘅佢地唔做，而呢到嘅Sake都一样，价钱唔贵，但师傅亲自挑选，而且都系独特少见。
张贴
