影片
更多
2022-01-29
4933 浏览
我通常睇到新野食都会睇定D等热潮冷淡嘅时候先去，而今次我就追上热潮😎，去到呢间铜锣湾新开嘅饼店，新到连openrice 都冇，但都要排好耐买到。究竟值唔值得去排一个钟呢? James Bon Bon Bakery位于铜锣湾边宁顿街，渣甸街嘅转角位，位置非常显眼。店舖由前四季西饼师傅主理，大家有冇觉得呢句野好熟面口，其实bakehouse嘅老板Gregoire，呢位成日喺镜头面前出现嘅肥仔都喺四季糕饼部出身😲😲。 开业冇几耐因传媒/blogger报道而成名，当日平日2:30去到已经排到出哂街，但因佢店舖面积细小，每半个钟只会出1-2小tray嘅包，要等好耐先拎到，或有可能冇自己想要嘅味，结果排一个钟得原味同菠萝皮味)，建议大家都系等多一排先再去啦，水份偏高😅。 除咗麻糬波波之外，其他野系冇乜特别嘅，佢又唔系嘉多利饼屋又有D创意港式面包，Bon Bon就系Bon Bon，一间以麻糬波波作亮点嘅港式饼店😬。 麻糬波波$8(per piece) 价钱就真系平到无得再平，就系港式饼店嘅价位lor🤑。因呢个包空气感真系超高，买完冇一阵已经被胶袋压扁咗🥲。但我自己番焗嘅时候(先唔系叮啊)，佢自然
[懒人包😅(总结):
真系好食嘅，会encore👍，但本人认为唔值得排一个钟咁耐，尤其系排到去只得一两只最普通嘅味道，性价比就真系无得顶架啦，建议大家过一排再去帮榇啦]
James Bon Bon Bakery位于铜锣湾边宁顿街，渣甸街嘅转角位，位置非常显眼。店舖由前四季西饼师傅主理，大家有冇觉得呢句野好熟面口，其实bakehouse嘅老板Gregoire，呢位成日喺镜头面前出现嘅肥仔都喺四季糕饼部出身😲😲。
开业冇几耐因传媒/blogger报道而成名，当日平日2:30去到已经排到出哂街，但因佢店舖面积细小，每半个钟只会出1-2小tray嘅包，要等好耐先拎到，或有可能冇自己想要嘅味，结果排一个钟得原味同菠萝皮味)，建议大家都系等多一排先再去啦，水份偏高😅。
除咗麻糬波波之外，其他野系冇乜特别嘅，佢又唔系嘉多利饼屋又有D创意港式面包，Bon Bon就系Bon Bon，一间以麻糬波波作亮点嘅港式饼店😬。
麻糬波波$8(per piece)
麻糬波波(原味+菠萝皮味)
$8
221 浏览
2 赞好
0 留言
价钱就真系平到无得再平，就系港式饼店嘅价位lor🤑。因呢个包空气感真系超高，买完冇一阵已经被胶袋压扁咗🥲。但我自己番焗嘅时候(先唔系叮啊)，佢自然就会变涨咗。而个post封面摆盘𠮶张相系未焗嘅😅。
麻糬波波香气四溢，忆起儿时嫲嫲买比我嘅下午茶🥲。Size比平时波仔版嘅麻糬波波更大，里面唔似系平时气孔蓬松嘅样子，而真系好似有旧麻糬喺入面咁🤣。
麻糬波波
$8
223 浏览
3 赞好
0 留言
用手一拉开，麻糬内饀带来些少阻力，但又见到佢一丝丝被拉开但仍然纠缠著嘅模样，都会有些治愈感🥰。里面嘅质感系极之q弹软糯，烟韧有嚼头。虽然食唔到抹茶/朱古力嘅特别口味，但都令我回味无穷。
菠萝皮𠮶只嘅麻糬味道同原味𠮶只系一样嘅，佢唔系平时菠萝包嘅皮咁完整，呢个就呈沙漠龟裂嘅样子，但都唔会甩皮甩骨，为麻糬带黎甜味同牛油香，喺烟韧嘅层面上加入一层脆感。如果得呢只味同原味可以拣，我都建议大家买菠萝味🤓。
张贴
