鱻匠

营业中

休息中

日式小店「鱻匠」坚持使用当日新鲜嘅食材，并在现场即时制作，确保食材嘅新鲜度和品质，系我近期至爱嘅小店。餐厅主打多款刺身、寿司、丼饭定食、手卷、卷物、炸物、熟食、甜品等等，非常多元化，而且价钱非常亲民。鱻匠寿司嘅制作手法非常严谨，包括寿司饭嘅蒸煮、切鱼方式、醋饭调味等，每一个步骤都非常重要，咁样可以保证寿司嘅口感同风味。我同妈咪一致最钟意系佢个腐皮龙虾寿司，腐皮甜甜哋，再配上佢个龙虾沙律，啖啖龙虾真系好正。另外，佢有个好特别嘅炸鳗鱼，炸到外脆内软，好考功夫。寿司好丰富，我推介飞鱼籽军舰、三文鱼、吞拿鱼....刺身同饭既比例又做到啱啱好，刺身厚切，饭粒饱满，酸度适中。另外有海胆墨鱼军舰、赤贝、白鸟贝、吞拿鱼、花之恋、荣螺、玻璃虾、蒲烧鳗鱼、马刀贝、油甘鱼腩、池鱼，你讲得出、想食嘅都有，选择真系好多。熟食极都够多，熟虾寿司、玉米军舰、炸北海道南瓜薯饼、炸软壳蟹、芝士年糕.....真系数之不尽。