Project B (已結業)

早几日终于抽时间去试吓呢间新餐厅。呢次试咗lunch，但临走之前见到tea set个menu都有啲心动想试吓。待应哥哥收走个汤时，发现我哋无饮晒，查询原因。我地话呢个粟米汤太水，点知哥哥话系南瓜汤。哈哈，咁你哋要再俾100%心机搅掂个汤。后面有前菜蜜糖烟鸭胸沙律，甜甜地，好醒胃。主菜都唔差架，只系西冷牛扒有啲硬（都系供应商事），份量都好大碟。跟餐仲有饮品。可免费配Cappuccino。一个set lunch都系$70-$90左右，视乎你拣乜嘢食，已经有前菜、主菜、饮品，仲无加一服务费（唔知系咪开业优惠，定午市不加一）。附近小店，呢个价钱只系叫到一个小食。除咗个汤一定要改善之外，由于餐厅前方有草丛，可能系咁，系呢个天气下，有好多蚊之飞下飞下，呢个都系要处理嘅问题。服务态度好好，不停问下客人要改善嘅地方。隔离枱单点食pizza，好似好好味咁，下次要嚟试吓。