影片
更多
2018-02-11
54 浏览
近期真系试左好多麻辣火锅，好多都系汤底香但食材一般，份量少要追加之余价钱仲要唔平，即系唔抵食。今晚试呢间系新开嘅，应该唔似系开喺铜锣湾尖沙咀𠮶啲喺大陆台湾开过嚟嘅过江龙，见OpenRice 评分同相片唔错，又去开𠮶边就试下啦，而且天寒地冻最啱打边炉😚7点钟到达，好彩有订台，因为都full晒，地面𠮶层唔算多台，但每张台都好阔，方便摆放食物、调味同餐具。我哋点鸳鸯汤，麻辣红汤牛油并醉鸡锅。个锅上台比去过几间算耐，但算可接受嘅程度，而且好快滚起。首先上嘅系醉鸡嘅鸡 ！其实我冇谂过系会成碟鸡另上，以为会系喺锅内，而家要食先落啲鸡就唔会系咁滚住好鞋而且大部分都系脾肉，食落虽然冇新东记啲醉鸡翼咁浓酒味，但都入味嘅！😋个醉鸡汤底一滚起已经闻到好香酒味，仲要后来愈滚愈香。另一半仲要将醉鸡碟上的酒倒埋入锅，酒味更浓，食到尾仲有阵甜味，渌菜一流👍🏻而个麻辣汤底啲牛油系另上，而家啲舖好似都兴做唔同做型，呢间就做到成条锦鲤咁。个麻辣汤系小辣，而我食咁多间佢系真正小辣到我觉得我可以食到，平日𠮶啲真系太辣。而且加左牛油真系几香。同埋每台每人都有罐麻油，真系觉得要解辣时点下真系唔错，我本身好中意食麻油，觉得呢度嘅
7点钟到达，好彩有订台，因为都full晒，地面𠮶层唔算多台，但每张台都好阔，方便摆放食物、调味同餐具。我哋点鸳鸯汤，麻辣红汤牛油并醉鸡锅。个锅上台比去过几间算耐，但算可接受嘅程度，而且好快滚起。首先上嘅系醉鸡嘅鸡 ！其实我冇谂过系会成碟鸡另上，以为会系喺锅内，而家要食先落啲鸡就唔会系咁滚住好鞋而且大部分都系脾肉，食落虽然冇新东记啲醉鸡翼咁浓酒味，但都入味嘅！😋个醉鸡汤底一滚起已经闻到好香酒味，仲要后来愈滚愈香。另一半仲要将醉鸡碟上的酒倒埋入锅，酒味更浓，食到尾仲有阵甜味，渌菜一流👍🏻
而个麻辣汤底啲牛油系另上，而家啲舖好似都兴做唔同做型，呢间就做到成条锦鲤咁。个麻辣汤系小辣，而我食咁多间佢系真正小辣到我觉得我可以食到，平日𠮶啲真系太辣。而且加左牛油真系几香。同埋每台每人都有罐麻油，真系觉得要解辣时点下真系唔错，我本身好中意食麻油，觉得呢度嘅都几香。
佢潜左水更加似真嘅😂
讲下配料先，牛同猪肉系冇乜特别嘅讲坚，不过呢间店都有好多重庆火锅主打嘅内脏，特别牛嘅部位，例如黄喉、牛胸爽，只系我同另一半冇叫。
呢间店都主打海鲜、刺身嘅，另一半肠胃敏感，所以一向都少叫海鲜，今次我点了这墨鱼滑，又唔系话好特别好好味，中规中矩啦。
讲到真系好味嘅系呢个黑毛肚，处理得好好，佢切得咁大块都系渌到潜左水再捞上嚟都唔靭。仲有鸭血（冇影相）本身已经有落调味，唔会好似有啲店唔加调味只靠汤底嘅味就有排都唔入味。而且佢好大片又唔会渌几渌散晒。
最后我哋食埋个薯粉就好满足喇，薯粉放左落汤一阵就软身可以食，吸晒汤汁烟烟靭靭非常好味。我哋仲有叫娃娃菜、午餐肉同薯仔。不得不说系呢度杯茶好有惊喜，应该系玄米茶，非常香！冻左饮都好味😆
当晚埋单每人都要四百几，虽然冇叫海鲜，但每碟差不多68-80蚊，都几贵，但食物都几大碟，我哋叫左一转已经好饱。
张贴
