東煲西炒 (已結業)

电话订咗位，9点入座，叫咗辣酒螺鸡煲， 转头经理行埋嚟同我哋讲卖晒， 唯有转左个鱼翅鸡煲，但系完全无味道！又话两位以上有个海鲜拼盘系包括大元贝, 海虾, 生蚝, 青口, 沙白，点知净系放咗碟，得两只生蚝同两只青口……所谓嘅海鲜拼盘喺枱面，仲一句都冇交代到点解海鲜拼盘变成咁！跟住仲想死嘅系，佢哋话任点任食嘅生料，好多嘢都系冇嘅 （例如沙白, 脆鲩骨腩, 白菜仔, 粟米, 唐生菜, 芫茜, 手打丸……），走去问个经理点解会咁，佢答我哋话，因为今日多人，好多嘢卖晒。最后我哋两个人净食咗个冇味鸡煲，同靭到咬唔到嘅肥牛，加埋苦瓜, 翠玉瓜, 支竹, 鱼皮饺咁啰，最后想要个手打乌冬都话冇，埋单要 $392 （唔知 openrice 订位有折，所以正价收费）。真系好想讲，冇嘢呀你哋 "东煲西炒"，星期五人多你哋唔系唔惯呀！竟然一间做任食火锅食肆，可以系好多嘢都冇嘅，仲要喺个客入座嘅时候，讲都唔讲声，大部份嘢都冇晒，包括你哋所谓嘅海鲜拼盘，等客人可以选择唔入去食呀！不知所谓！！！