和氣食堂 (黃大仙中心南館)

营业中

休息中

平时都好懒过海行街食饭，今次朋友约左喺黄大仙行下，夜晚就拣左呢间日本餐厅。可能我地比较早食，唔洗等位就可以入去。晚餐时间都算多人，冇一枱空枱，转枱嘅效率都几快。呢间店几多日本动漫装饰， 仲有童年回忆嘅漂流教室呀黑松露香芒甜虾卷 $88黑松露味几香，下面铺住粉红色嘅甜虾蓉，平时好少将呢两样野同时间食，但食落又异常地夹。寿司入面包住芒果，可能系芒果季，所以芒果特别甜。成件食口感几丰富，但个人钟意两者分开食，食材味道仲出啲。樱花虾鲷鱼汤泡饭 $118好大只虾!!! 仲有带子，食落好足料，泡饭份量好多，两个人食都食唔哂。照烧鱿鱼筒 $78烧汁好好食，鱿鱼几大条，咬落唔韧又香，值翻个价。香芒埙鸭胸沙律 $65鸭胸有肉加少少有肥膏，咬落去好香但唔算油，沙律菜几新鲜。平时唔钟意沙律落醋，但今次个黑醋醋酸味唔重，甜甜地，落沙律都好食。仲有好多沙律款拣嶡饼白玉宇治抹茶雪糕 $45呢个系本日最爱，抹茶雪糕真心好好食，雪得唔硬又入口即溶，抹茶味重，好正宗日本抹茶味。如果之后再去都会拣翻抹茶雪糕食。埋单两个人400几，食到好饱。