西貢海灣會燒烤大王

今次几个家庭一齐去，根据人数安排烧烤炉，预先打电话预约，问清楚所有细节，去到过程畅顺，要用现金付款。入场先买飞盖手印，可在营业时间内自由出入，取食物的地方近门口，当日假期一点开门我们便到达，安排咗近门口嘅枱，拎嘢食同嘢饮都算方便，估唔到食物refill都得几快，口味算多又唔会结冰，嘢饮得可乐同果汁，如果有茶就更好啦！面包有方包同长法包，如果想烧棉花糖同烧卖就要自己买，最夜可以烧到10点，炭都系任攞，朋友吹水冇限时间系最正！小朋友可以喺沙滩玩沙玩水，自备左一啲玩沙工具同埋衣服更换，仲可以放下风筝，时间好快就过。门口听到一啲Walk in客因为人数问题与职员争拗，除此之外场内气氛都好好，特别系晚上开咗灯别有一番风味。