正宗文記小食車仔麵

营业中

休息中

有时要ＯＴ收工夜一夜，我就会返到屋企楼下依间文记，食碗车仔面当晚餐医肚。今晚又来帮衬，文记开到夜晚一点，所以我好淡定收夜仲有得食。此店内没有提供坐位，夜晚会放置几张折枱折櫈在店外方便食客。但唔惯坐街食的我，通常外卖自取返屋企食比较舒适。今晚拣了一面三𩠌车仔面($37)，再加多一𩠌辣鱿鱼(+$9)。眼见冷柜放有盒装辣鱿鱼，大盒$52小盒都要$37，见卖得咁矜贵所以今次顺便加几蚊点来食下。面汤呈深色味浓且带甜味，粗面质爽嚼劲十足无碱水味。辣鱿鱼俾左4条小鱿鱼须咋，食落都几辣浸响汤令面汤都有点辣，鱿鱼须都好入味好滑且爽口，味道不错。鸡翼有两只都算大只感觉抵番，鸡肉软身入味，猪红滑无腥味够大粒，冬菇好软身好味，但冬菇砌得比年前薄身好多，好失望食唔返厚肉的感觉。整体而言，系一间味道不错的车仔面档，闲来帮衬下亦无妨。