東方食神 (已結業)

车仔面最重要系咩，系平！！！平民食物如果要6/70蚊，咁其实已经失去左意义，如果贵得来又要唔好食，就真系喊出来。东方夜神就无lee 个问题，$30 三𩠌一面，仲要包野饮（除左冻豆浆，冻饮+$2），真系不能要求更多。我叫左鸡中翼牛腩牛柏叶河粉，汤底唔错，中辣嘅辣汁都够味，𩠌嘅份量好够，无唔抵嘅感觉，面都大碗。牛柏叶好爽口，不过始终白色系制过，有dd 化学味，牛腩正常，鸡中翼最有诚意，煎过，几香。宝宝碗萝卜猪红辣鱼蛋幼面，萝卜够淋，不过可以再入味d，猪红好够味，正，鱼蛋都好食。