香香宮煮 (金輝大廈)

营业中

休息中

天气开始冻，好想打边炉暖笠笠，我系劲中意打边炉，烚下烚下，禁啱见到Openrice book位6点半前离座有58折，禁抵就去试下啦。一入门口就觉得装修花过心思，呢座大厦本身已经好旧架啦，但入面就装修到好有中国古代Feel ，近年古装宫廷片大热，黎呢到就好似返左古代打边炉禁。汤底同嘢食选择都唔少，我归纳呢到系港式边炉。调味九宫格，最特别系个黑蒜油。首先叫左个卜卜岘煲，一上枱劲香芫荽味，滚左试左一啖汤，超清劲浓味。啲岘新鲜好甜，不过美中不足系啲岘好多沙，一口都系沙。食左几只真系搅唔掂，同经理讲佢都好主动话换另一个汤底比我地。换左呢个芫荽皮蛋汤，一上枱又好香芫荽味，呢到嘅汤底都系好浓味，可以直接饮一碗先。打边炉讲新鲜，呢到用料都新鲜，珊瑚蚌桂花蚌爽脆新鲜，黑毛猪唔肥。鹅肠正嘅，食唔出雪味。最特别系公主油炸鬼，上面有蟹子同墨鱼滑再加个油炸鬼，唔好煮禁耐，唔系油炸鬼会太淋。最后加埋个薯粉，吸左汤嘅味道，好饱。58折系抵食，虽然岘有沙有啲失望，但汤底好饮好浓，嘢食都几新鲜，唔错。