越滿 (已結業)

天气冻冰冰，男朋友话想食鸡煲，就谂住近近地，系佢公司附近食啦，其实成日经过呢间餐厅，但系都冇入过去食，门口见到餐牌有鸡煲食，二话不说就行咗入去，我哋就叫左越式香茅鸡煲餐，系二人份量，包括有有一份生菜，牛肩胛肉片，黑椒牛丸同牛柏叶，仲包埋两罐汽水添，但系我哋怕唔够食，叫多份鲜冬菇同响铃，初时见到个鸡煲个颜色咁红，以为好辣啦，点知食落口个辣系接受到，佢系𠮶只吊瘾辣，我觉得送饭系一流因为我本身都食唔到辣，啲鸡肉好滑口，唔会鞋十十，佢嘅牛肩胛肉片好有咬口，我觉得黑椒牛丸最好食，牛柏叶份量都多嘅，地方都坐得几舒服，下次会过嚟试埋佢嘅汤河