初味 (已搬遷) 新店位置

因为疫情关系我都有一段日子无出街食饭啦。但系真系好想食呢间餐厅嘅烧乳猪，自己系屋企整到嘅嘢好有限，烧乳猪绝对自己整唔到。所以今次决定去买个外卖返去加𩠌！每逢系西班牙餐厅见到一定必点烧乳猪，但系无谂到系呢间小店都有烧乳猪食。食到时都几惊讶，皮烧得薄脆，肉质保持松软多汁。本来净系想买乳猪，但发现自己都好耐无食甜品，咁就买埋甜品拼盘返去，一共有四款甜品，我觉得提子冧酒雪糕最特别，味道唔会太甜，唔错。呢间小店，虽然装修不起眼，但食物质素确系几好，会继续支持小店！