叁拾咖啡室 (已結業)

呢间茶餐厅系我喺观塘返工成日都食嘅地方, 平平地不过d 嘢食通常都有水准。今日一于食咗个早餐先去返工。🍜 沙嗲牛肉公仔面由细到大都好钟意食沙嗲牛肉面, 系一种情怀, 不过唔系好多地方整得好食。呢间茶餐厅嘅沙嗲牛肉汁好浓, 捞均落个汤度都唔会变淡咗, 亦都唔会因为太浓而咸得滞。牛肉煮得刚刚熟, 所以好软腍。🍳 火腿炒蛋配多士炒蛋好香滑, 有滑捋捋嘅感觉, 夹埋煎香嘅火腿变成火腿炒蛋多士, 好食。整体食物质素几好, 价钱亦相宜, 系一间食得过嘅茶餐厅。