千両 (已結業)

日日返工茶记米线车仔面，想食餐好，价钱又未必要豪，因为千両有五个lunch sets,价钱由$70至$130不等。因为一点到两点太多人，为免同人逼，一系早D一系迟D，我就两点半到达，唔驶等位叫左个海鲜刺身定食，见到在回转带上好靓又新鲜的寿司，先攞一碟季节限定的柑味油甘鱼！柑味好清新，加上油甘鱼的甜，好味！之后个海鲜刺身set到左，刺身好新鲜，但个冷乌冬不够涷，而且同沙律一样用芝麻酱，有D重复左的感觉之后唔够喉，再追加了香葱呑拿鱼腩军舰、特大帆立贝、及炙烧左口鱼背。香葱呑拿鱼腩军舰入口非常香，但紫菜有D林左。特大帆立贝真系特大！一口一定食唔哂，非常有口感！炙烧左口鱼背入口即溶，鱼油一下子在口腔入面徘徊⋯真不愧系我的最爱！本来已经十分满足，但朋友坚持要用甜品完美地完结这一餐，所以叫了绿茶糯米糍及菠萝雪芭。绿茶雪糕配糯米糍，100分之作，绿茶雪糕不太甜，糯米糍又软又有咬口！相反个菠萝雪芭就太差了，涷到结哂冰，直情要加热水入碗坐热先可以食到少少，味道亦不似菠萝！总结：来食刺身同寿司一定不会失望，lunch时段平D，食得开心D又返工努力博杀了