唐記包點

营业中

休息中

今日放工入元朗揾朋友打麻雀，大家都唔想煮饭，于是乎去左呢间望落好新净既唐记买野食。发现原来而家做紧嘅优惠超抵， $32蒸饭加点心，仲可以加两蚊转可乐。我同朋友就叫咗两个套餐。两个套餐我哋分别叫咗鸡扎同埋烧卖。首先讲下鸡扎先，鸡扎既腐皮够薄，而且好足料，两件大大件食完都有饱肚感。烧卖都好大粒，爽口弹牙冇粉感，同酒楼食既一样味道！我叫左凤爪排骨饭，排骨份量好够，仲有两只凤爪，性价比超高。排骨冇雪味，够嫩滑。凤爪好入味，比得上酒楼！最钟意系个饭有配菜，感觉唔系净系得肉同饭，健康d!我朋友就要左章鱼肉饼饭，肉饼都几厚身，食到一粒粒嘅章鱼，同样都系有啲配菜。饭粒粒粒分明，抵赞。锅贴够香口，拎咗返屋企虽然有少少远咗但系都食到好香口嘅味道。最后一定要赞一赞呢支豆浆，平时饮嘅豆浆都好甜同埋有啲淡味，呢一支豆浆都几重豆味，而且唔系好甜，啱晒女士啊。呢度加埋都系食咗$100多啲啲咋，超级抵食，如果唔想煮饭，依家都系唔错嘅选择㖞。