王牌冰室 (友邦香港大樓) (已結業)

因为公司系附近，又可以用Openrice落单外卖自取，悭返d时间，王牌冰室差唔到变成我嘅饭堂。（利申，不是收钱广告）睇得出佢嘅装修系有俾心机，想突出香港特色呢个主题。佢最出名应该系“特浓牛乳滑蛋叉烧虾仁饭”，平时我d同事多数都系叫呢款饭，大部份都会赞好食。我本身唔太钟意食滑蛋，平时大多叫常餐或者面餐，面餐都几多选择。佢嘅多士比较特别，用咗丹麦多士。粉面嘅汤底偏淡，无乜味，钟意浓味d嘅朋友，建议选择蕃茄汤底。佢都有炒粉面，其中肉丝炒面最特别，汁同面会分开上，d面整成一个个细面饼，非常脆口，同一般有d脆面有d湿面嘅整法好唔同。钟意食脆面嘅朋友，可以试下。