Apinara

营业中

休息中

星期五返工约左旧同事一齐食lunch，系金钟返左甘耐工，都一直无食过呢间餐厅，于是就去尝一尝。餐厅提供午市套餐，我地叫左两个午市套餐，包左精选沙律、汤、小食、甜品、餐茶。汤方面我地一人冬荫公，一人泰式椰子鸡汤，两个都唔算好辣。冬荫公好多香料，仲有好多菇同一只虾。泰式椰子鸡汤好椰，咸甜咸甜甘。精选沙律系青木瓜沙律，小食系脆口既炸春卷，甜品系甜到入心既南瓜椰奶。泰式海南鸡饭海南鸡几嫩滑，份量够，油饭几香口，有咬口。泰式炒金边粉辣辣地，几惹味，有三只虾，唔错。餐茶可以拣柠茶或柠水，冻热都得。我地一人一杯热柠茶同冻柠茶。