孖沙茶餐廳 (已結業)

咁岩返工经过上环，前排电视又见到人称三眼仔饭既叉烧煎蛋饭，就特登行多两步过黎试下好唔好食啦，点知又唔算太难揾，附近都好似仲有啲餐厅可以试下添，咁今日就试下佢。一见到门口系好典型既茶记样，咁为左确定无去错就睇下啲食客食乜，结果大部分都系叉烧煎蛋咁就应该岩啦！咁我又早左到就唔洗排，点知坐低无耐就见到都几多人排。好彩咋！咁我净系叫左个饭，发觉都等左一段时间，可能太多人叫。咁黎左食落发觉真系几好食，啲蛋汁岩岩好出黎连饭食系正既，仲要三只蛋！叉烧都好好味！价钱都正常水平，果然唔错！唯一可惜系坐得迫啲唔会好舒服，不过都预料中事啦