御泰坊-泰越菜 (裝修中)

如果lunch time唔赶的话，呢度系个唔错既选择，因为呢间餐厅都几旺场，上菜都要等一阵，啲野食都系热辣辣咁上碟，虽然唔肯定系咪即叫即整但整体观感唔错。叫左个set lunch ，前菜拣左肉碎米通、主菜拣左椒盐猪排饭，个前菜唔错，肉碎好有泰国味道，香料都有落足，好惹味。主菜个猪排肉质都唔错，半煎炸都几香口，仲有大量炸蒜喺面，热气但好惹味～但个问题系炸得好干好干，如果有啲汁可以点下会好好多。朋友点左个甜酸鱼柳仲好食，因为冇咁干～跟餐送既甜品系柠檬cheesecake, 又几好食～ 酸酸地可以消滞。另外朋友再单点左个芒果糯米饭，卖相好靓！前菜+主菜+甜品$73 （已计加一） 喺apm黎讲，性价比都ok, 而且环境坐得都舒服，可以一试。