Homeland (牡丹大廈) (已搬遷) 新店位置

平日午市嚟到有午市套餐，包一杯嘢饮同埋沙律。今次同朋友每人叫咗一个餐，另外再加两个小食。三文鱼意大利饭一食落口有惊喜，成个饭都有少少辣辣地嘅味道，应该系落咗tabasco，同平时嘅白汁味唔同。个三文鱼煎到脆脆地有口感，份量都好大碟。牛肝菌意大利饭标准发挥，有好多唔同种类嘅菇，成个饭底都系有好香嘅菇味同埋白汁味，足料好食。法式田螺之前喺第二啲餐厅试过有腥味嘅田螺，呢个虽然价钱平，但质素唔错，起码冇腥味，仲食到佢啲鲜甜味。明太子鸡翼本身以为系入边有馅嘅明太子鸡翼，嚟到发现佢嘅名太子系喺鸡翼上面嘅。明太子味都算浓郁，鸡翼唔会话太干，衬呢个明太子酱味道啱啱好。喺附近返工食连锁餐厅食到厌左，嚟呢度食下啲Cafe都几好，最紧要佢上菜上得快，服务唔错，多选择。嘢饮同沙律都系高水准。