更多
2024-03-16
6219 浏览
🎵 I can show you the world 🎶 迪士尼嘅好莱坞酒店自助早餐有咩素食呢?一齐嚟睇下。👁️👁️望落好似糯米饭呢系炒饭嚟嘅,冇肉㗎,有啲冬菇碎同三色豆,应该加咗豉油炒(老抽啩,我唔识煮饭 sorry 😂)。由于炒得好干身,所以真系有食紧糯米饭嘅感觉,好好食呀。😛几款点心之中,竟然都照顾到素食者㖞,除咗有奶皇包,仲有素饺,系我钟意嘅厚皮,馅系杂菌嚟嘅,同平时酒楼食到嘅杂菌素饺差唔多。🥟两款咖哩都系素食嚟嘅,利申冇食,因为晨早流流唔想食咖哩 😅。睇返相片一款系鹰嘴豆,一款系车厘茄,蕃茄,青椒咁上下啦 😸。附近有啲印度薄脆比大家点咖哩食。两款粥之中,素食者可以食嘅系边款呢?当然系白粥啦,另一款系皮蛋瘦肉粥。港式混酱肠粉都有,可以用嚟送白粥食。😊有粥有饭,中国四大发明嘅粉同面都唔缺少㖞,啲面好特别,有南瓜面,薯仔面,菠菜面等,佢都有即食面但唔知系咪呢排好 hit 嘅大光面喇。坏消息系个汤系猪骨汤嚟嘅,素友们可以视乎自己素食尺度决定食唔食喇,或者唔要汤当捞面食都 okay。👌🏻新年食糕仲食唔够嘅朋友,呢度有萝卜糕同芋头糕,萝卜糕有虾米腊肉就唔意外啦,芋头糕素友们可以食,我食过都几
望落好似糯米饭呢系炒饭嚟嘅,冇肉㗎,有啲冬菇碎同三色豆,应该加咗豉油炒(老抽啩,我唔识煮饭 sorry 😂)。由于炒得好干身,所以真系有食紧糯米饭嘅感觉,好好食呀。😛
75 浏览
0 赞好
0 留言
几款点心之中,竟然都照顾到素食者㖞,除咗有奶皇包,仲有素饺,系我钟意嘅厚皮,馅系杂菌嚟嘅,同平时酒楼食到嘅杂菌素饺差唔多。🥟
130 浏览
0 赞好
0 留言
两款咖哩都系素食嚟嘅,利申冇食,因为晨早流流唔想食咖哩 😅。睇返相片一款系鹰嘴豆,一款系车厘茄,蕃茄,青椒咁上下啦 😸。附近有啲印度薄脆比大家点咖哩食。
80 浏览
0 赞好
0 留言
两款粥之中,素食者可以食嘅系边款呢?当然系白粥啦,另一款系皮蛋瘦肉粥。港式混酱肠粉都有,可以用嚟送白粥食。😊
50 浏览
0 赞好
0 留言
有粥有饭,中国四大发明嘅粉同面都唔缺少㖞,啲面好特别,有南瓜面,薯仔面,菠菜面等,佢都有即食面但唔知系咪呢排好 hit 嘅大光面喇。坏消息系个汤系猪骨汤嚟嘅,素友们可以视乎自己素食尺度决定食唔食喇,或者唔要汤当捞面食都 okay。👌🏻
77 浏览
0 赞好
0 留言
新年食糕仲食唔够嘅朋友,呢度有萝卜糕同芋头糕,萝卜糕有虾米腊肉就唔意外啦,芋头糕素友们可以食,我食过都几好食,好香口同非常足料。💪🏻
小朋友最爱嘅三角薯饼同鸡蛋都有,水有三种状态大家都知,自助早餐嘅蛋都系,包括 scrambled eggs,荷包蛋,同烚蛋。通常酒店嘅 scrambled eggs 唔会太差啦,但呢度食落去杰挞挞咁,有点怪,可能落太多牛油?荷包蛋就唔错,烚蛋冇食。🥚
103 浏览
0 赞好
0 留言
早餐嘅饮品换咗做奶,除咗牛奶,仲有燕麦奶同豆酱。燕麦奶够冻又香甜,豆浆豆味好浓郁,各有各好饮。🥛
90 浏览
0 赞好
0 留言
面包饼类方面,面包有牛油,蜜糖同果酱可供搽面包。萄挞热辣辣超好食。热香饼我冇食,但卖相唔错。另外有米奇(朱古力味)同小熊维尼(蓝莓味)造型松饼,除咗靓之外都好好味。🧁
111 浏览
0 赞好
0 留言
68 浏览
0 赞好
0 留言
佢有啲冻瑞士麦皮,问过成份有忌廉同奶嘅,仲加咗啲果仁。当然唔少得有生果同各款味道嘅杯装乳酪。🍧
至于琴晚出现过嘅薄饼,冷面同沙律,早餐都见到㖞,当然我冇做个记号睇下系咪琴晚食剩㗎啦。😀
总括嚟讲,迪士尼好莱坞嘅自助餐,素食者冇咗果种比钱入嚟陪人食嘢嘅感觉,真系食得饱之余,可以食嘅款式都算多。虽然价钱唔平啦,例呢个早餐独立买要 $288,但食得开心偶一为之都 okay 嘅。🤠
41 浏览
0 赞好
0 留言
张贴