藝彩廚

营业中

休息中

呢个周末真汉子同太太去咗迪士尼嘅好莱坞酒店 staycation，冇入乐园玩纯系食之旅 😆。食咗佢哋嘅晚餐同早餐 buffet 。先讲吓晚餐有咩素食先。🤤如果蛋奶素嘅朋友可以食嘅嘢都唔少嘅。寿司有啲有蛋，沙律酱，牛油果，士多啤梨嘅款式，亦有米奇型嘅麻酱豆腐。佢仲有个薯仔沙律，以为食得，不过寿司师傅提醒系有火腿㗎。🥲中菜方面有炒杂菜，虎耳鲜冬菇扒时蔬，个冬菇超浓菇味，不过应该系用咗蚝油去煮嘅。椒麻皮蛋豆腐都好好食，不过冇乜麻辣感觉，所以怕辣嘅朋友都可以一试。😃西式食品有蕃茄水牛芝士，薄饼两款之中玛格丽特系蛋奶素，芝士味非常浓厚。另外仲有忌廉焗薯。🥔有咖哩但系同咗肉煮嘅，不过烤饼好好食，唔点咖哩都好正。我手多加咗啲芒果酱食，哗搞唔掂，太重口味。🥴另外佢哋有 Taco，职员对食物成份好清楚，话汁系烧汁所以素食者要走汁，亦提醒唔适合纯素者食，亦有五辛等详情。事实上食物附近都有个牌表示食客有任何食物敏感都可以提出。👍🏻Taco 我试咗菠萝芒果沙沙，好味得嚟好有特色，充满异国风情。客人可以根据自己喜欢加配料，如牛油果酱，粟米粒等等。☺️甜品都系蛋奶素为主，例如芒果拿破仑就好高质。因为农历新年关系甜品